ethiopiantimes

December 28, 2011

ሃያ ሰባት የመኢአድ አባላት ታሰሩ

Filed under: Azeb Mesfin,Ethiopia — ethiopiantimes @ 11:07 pm
Tags: , , , , , , , ,

‹‹አባላቱ የታሰሩት ልማት በማደናቀፋቸው ነው›› የዳምባ ጎፋ ወረዳ የምክር ቤት ሰብሳቢ

በደቡብ ኢትዮጵያ ክልል በጎፋ ልዩ ዞን በዘንጋ አዋንዴ ቀበሌ 27 የመላው ኢትዮጵያ አንድነት ድርጅት (መኢአድ) አመራርና አባላት በገዢው ፓርቲ ቁጥጥር ሥር መዋላቸውን መኢአድ አስታወቀ፡፡ የደምባ ጎፋ ወረዳ ምክር ቤት ሰብሳቢ አቶ ማዩ ማይጠሎ በበኩላቸው፣ የተጠቀሱት የመኢአድ አባላት የታሰሩት በአካባቢው እየተከናወነ ያለውን የልማት ሥራ ለማደናቀፍ በመንቀሳቀሳቸው መሆኑን ለሪፖርተር ገልጸዋል፡፡

መኢአድ ትናንት ለሪፖርተር በላከው ጥቆማ እንዳስታወቀው፣ ታኅሣሥ 16 ቀን 2004 ዓ.ም. ከታሰሩት የመኢአድ አባላት መካከል ስድስቱ የፓርቲው አመራሮች ናቸው፡፡

በጎፋ ልዩ ዞን የዘንጋ አዋንዴ ቀበሌ የመኢአድ ሰብሳቢ አቶ ኢልካዩ ኤሮ፣ ምክትል ሰብሳቢው መምህር አየለ ታደሰ፣ ዋና ጸሐፊው አቶ ዘሪሁን እኩሌ፣ የመኢአድ ሥራ አስፈጻሚ አባል የሆኑት አቶ ኢሳያስ ዘርቦ፣ ሃምሳ አለቃ ማናዬ ሞላልኝና አቶ መንግሥቱ ማናዬ ታኅሣሥ 16 ቀን 2004 ዓ.ም. ከቀኑ 10፡00 ሰዓት አካባቢ በመኢአድ ጽሕፈት ቤት ውስጥ በስብሰባ ላይ እያሉ በፖሊሶች የታሰሩ መሆናቸውን መኢአድ አስታውቋል፡፡

ሌሎቹ ሃያ አንድ የዘንጋ አዋንዴ ቀበሌ የመኢአድ ሥራ አስፈጻሚዎችና አባላት የታሰሩትም ከላይ በተጠቀሰው ቀን ምሽት የወረዳው የኢሕአዴግ ባለሥልጣናት የመኢአድ አባላት በሚኖሩበት አካባቢ አሰሳ እንዲካሄድ ካዘዙ በኋላ መሆኑንም ገልጿል፡፡

የዳምባ ጎፋ ወረዳ የምክር ቤት ሰብሳቢ አቶ ማዩ ማይጠሎ በበኩላቸው፣ የመኢአድ አባላት የታሰሩት የክልሉ መንግሥት በአካባቢው እያከናወነ ያለውን የተፋሰስ ልማት ለማደናቀፍ ሲንቀሳቀሱ በመገኘታቸው መሆኑን ለሪፖርተር ገልጸዋል፡፡

እርሳቸው እንዳሉት፣ በደምባ ጎፋ ወረዳ የተፋሰስ ሥራ ለመሥራት ለቀያሾች ሥልጠና እየተሰጠና ጐን ለጐን ሌሎች የልማት ሥራዎች እየተከናወኑ ባሉበት በአሁኑ ጊዜ፣ ሃያ ሰባቱ የመኢአድ አባላት ‹‹የተፋሰስ ሥራውን አንሠራም›› ብለው በመቃወማቸው በፖሊስ ቁጥጥር ሥር ሊውሉ ችለዋል፡፡

በአካባቢው የሚኖሩት የመኢአድ አባላት በሌሎች ቀበሌዎች የሚገኙ ነዋሪዎች በተፋሰስ ሥራው እንዳይሳተፉ የሚጠይቅ ደብዳቤ አዘጋጅተው ለመበተን ጥረት ሲያደርጉ መቆየታቸውን የጠቆሙት አቶ ማዩ፣ ታኅሣሥ 16 ቀን 2004 ዓ.ም. ሃያ ሰባቱ የመኢአድ አባላት ልማቱን ለማደናቀፍ ተመሳሳይ አጀንዳ ይዘው ሲወያዩ በነበረበት ወቅት በፀጥታ ኃይሎች መታሰራቸውን አረጋግጠዋል፡፡

የመኢአድ ሥራ አስፈጻሚ አባልና የደቡብ ኢትዮጵያ ቀጣና ኃላፊ አቶ እንድሪያስ ኤሮ በበኩላቸው ለሪፖርተር እንደገለጹት፣ የመኢአድ አባላት የታሰሩት ልማት በማደናቀፋቸው ሳይሆን የግለሰቦችን ማሳ አንቆፍርም ብለው በመቃወማቸው ነው፡፡

በአካባቢው የሚገኘውን የግለሰቦች ማሳ ከመቆፈር ይልቅ ነዋሪዎች በጋራ የሚጠቀሙበትን መሬት ለተፋሰስ ሥራ ማዋል የተሻለ እንደሚሆን በመጠቆም ለቀበሌው ኃላፊዎች በጽሑፍ ጥያቄ ማቅረባቸውን የገለጹት አቶ እንድሪያስ፣ ይህ የመቃወም መብት ልማት እንደማደናቀፍ ተወስዶ የመኢአድ አባላት ለእስር መዳረጋቸውን አስታውቀዋል፡፡

‹‹የዜጎች የመናገርና የመጻፍ መብት የተጠበቀ ነው፡፡ ተቃዋሚዎች ማንኛውንም ነገር የመቃወም መብት አላቸው፤›› የሚሉት አቶ እንድሪያስ፣ የደምባ ጎፋ ወረዳ ባለሥልጣናት ግን ሕገ መንግሥቱ ለዜጐች የሰጠውን መብት በመጣስ ሰላማዊ ዜጐችን እያሰሩ መሆናቸውን ይገልጻሉ፡፡

‹‹ዜጎች በመንግሥት ባለሥልጣናት የሚወሰኑ ውሳኔዎችን መቃወም አይችሉም ወይ?›› የሚል ጥያቄ ያቀረብንላቸው የወረዳው ምክር ቤት ሰብሳቢ አቶ ማዩ ማይጠሎ ግን፣ ‹‹ይህ የልማትና የሕይወት ጉዳይ ነው፡፡ እነሱ ካልሠሩ ማን መጥቶ ሊሠራላቸው ነው? አንሠራም ማለት አይችሉም፤›› የሚል ምላሽ ሰጥተዋል፡፡ ወረዳውም በመኢአድ አባላት ላይ ‹‹ልማትን በማደናቀፍ›› በሚል ክስ ለመመሥረት እየተንቀሳቀሰ መሆኑን አስታውቀዋል፡፡

መኢአድ እንደሚለው፣ ሁሉም የመኢአድ አመራርና አባላት ከሚኖሩበት አካባቢ 17 ኪሎ ሜትር ርቀት ላይ ከሚገኘው የሻውላ ከተማ ታስረዋል፡፡ የዘንጋ አዋንዴ ቀበሌ የመኢአድ ጽሕፈት ቤትን የቀበሌው የመኢአድ አባላት ከመኢአድ ከፍተኛ አመራር ጋር በመመካከር በ2001 ዓ.ም. በራሳቸው ወጪ እንዳቋቋሙት መኢአድ አስታውቋል፡፡

Advertisements

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: