ethiopiantimes

November 11, 2013

ይድረስ ለጠ/ሚ ኃይለማርያም ደሳለኝ

Filed under: Saudi Arabia — ethiopiantimes @ 10:05 pm
Tags: , ,

በተለያዩ ዐረብ ሀገራት በኢትዮጵያውያን ላይ እየደረሰ ያለው በደልግሩም ተ/ኃይማኖት
ይድረስ ያልኩት በቀጥታ ባይደርሶትም መስማትዎ እንደማይቀር እገምታለሁ። ሰላም የምሎት ሰላምታ የእግዚአብሔር በመሆኑ ነው። እንጂ ጫንቃችን ላይ ተጎብራችሁ የዜግነት ክብንርን አውርዳችሁ የዜግነት ክብር የምታዘምሩ በሆናችሁ፣ በብሔር፣ በጎሳ ከፋፍላችሁ … ሰብዓዊ መብታችንን ገፋችሁ … ኑሮን መቋቋም እንዳንችል አድርጋችሁ ለስደት ስለዳረጋችሁን ሰላምስ ማለት አይገባም ነበር።

 

ለስምም ሆነ አልሆነ በአሁኑ ሰዓት የሀገሪቷ ጠ/ሚኒስትር በመሆንዎ ነው ይድረስ ያልኩት ለእርሶ ይሁን እንጂ ለሚመለከታቸው ባለስልጣኖች ሁሉ ይድረስ ማለቴ አይቀርም። ጥቂት ጥያቄዎችንም መሰንዘሬም አይቀርም።

ለኢትዮጵያዊነት ክብር ሳትሰጡ የምታስተዳድሯት ኢትዮጵያ ያለ ህዝብ ባዶ መሬቷ ትርጉሙ ምንድን ነው? ህዝቡን ጠልታችሁ በኑሮ እንዲማረር ከማድረግ ጀምራችሁ ፍትህ ነፍጋችሁታል። ገበሬ ቦታውን ይነጠቃል። ኢንቨስተር ከተገኘ ዜግነት ገደል ይግባ ውስጣዊ መርሃችሁ ነው። ግን እስከመቼ? ኑሮ ከእጅ ወደ አፍ መሆኑ ቀርቶ እጅ አፍ ጋር ሳይደርስ ተንጠልጠሎ ሲቀር ስደት ተመረጠ። ስደቱም በገፍ እንዲወጣ ከማድረግ ጀምሮ በየሀገሩ ለምን ዜጋዬን ብሎ የሚጠይቅ ባለመኖሩ ዜጎቻችንን ማሰርና መግረፍ ሰጀመር ለምን ባይ ባለመኖሩ በየአደባባዩ እንደፈለጉ መግደል ተዘውትሯል። ማነው ለኢትዮጵያዊያን መብት መጠየቅ የሚችለው? የሀሪቷን የፖለቲካ ምህዳር የምታሽከረክሩት እናንተ ስለሆናችሁ ለዜጋው ምን እየሰራችሁ ነው? የትኛውን መብት አስከበራችሁ? ኢትዮጵያዊው በዐረብ ሀገራት ጠያቂና ተቆርተቋሪ የሌለው ሆኖ እንዲህ በየቦታው እየረገፈ ዝምታችሁስ ምንድን ነው? ኤምባሲ ብላችሁ በዐረብ ሀገራት የከፈታችኋቸው ጽ/ቤቶች ሁሉ ስራቸው ምንድን ነው? መጀመሪያ ደረጃ ዜጋውን እንደ ዜጋ ተቀብለውስ ያስተናግዳሉን? ኢትዮጵያዊነት ትርጉም ያጣው በእናንተ ጊዜ መሆኑንስ አለመረዳታችሁ አውቆ የተኛ አያሰኝም?

በሕጋዊም ሆነ በሕገ-ወጥ መንገድ የሚሰደደው ኢትዮጵዊ ቁጥር ከዕለት ወደ ዕለት እየጨመረ ነው። የምታወሩት ባለ ሁለት ዲጂት የኢኮኖሚ እድገት እውን ይሁንም አይሁንም በወሬ ብቻ ሆኖ መሮት የሚሰደደው ቁጥር በስድስት ዲጂት ማደጉን ልብ ማለት አልቻላችሁም። ታዲያ የእርሶ ጠ/ሚኒስትርነት ለየትኛው ህዝብ ነው። ከሀገር የወጣው ኢትዮጵያዊ ለእርሶ ኢትዮጵያዊ ሆኖ አልታዮትም ወይስ እንደሚባለው “አድርጉ!” ተብለው የሚታዘዙትን ብቻ ነው ማድረግ የሚችሉት። ከሆነ እንኳን እባኮት ሪሞቱን ለያዙት ሰዎች ዜጎቻችን ስደት ላይ በየቦታው እየረገፉ ነው እና አይናችሁን ላክ አድርጉ ይበሏቸው። እስኪ እነዚህን ፎቶዎች እዩዋቸው። የደህንነት አባሎቻችሁ ድረ-ገጾችን ማፈን ላይ በርትተው ከሚሰሩ መፍትሄ ይስጡ። እውነታውን ይቀበሉ።
በተለያዩ ዐረብ ሀገራት በኢትዮጵያውያን ላይ እየደረሰ ያለው በደል

ያለበለዚያ ግን የደህንነት ስራቸው ሥልጣን የማራዘም ብቻ ሆኖ ዓለም የሚጮኸውን፣ ዓለም አቀፍ የተለያዩ መገናኛ ብዙኀን የሚያሰሙትን ጥሪ እንኳን ካልሰሙ የደንቆር ስብስብ ነው ማለት ነው። ዛሬ እንኳን እስኪ እውነታውን እዩ … ህዝቡ ምን ይላል? ዜጎቻችን ላይም ምን እየደረሰ ነው።

ሌላውን ትተን በቤይሩት በዚህ አንድ ወር ውስጥ ብቻ ሰባት ሰው ላይ የመኪና አደጋ እንደደረሰ በመረጃ የተደገፈ እውነት ነው። ወገኖቻችንን ከማሰቃየት ባለፈ በመኪና መድፋትንም ሆን ብለው በሚመስል መልኩ ገፍተውበታል። ጠያቂ፣ ሀይ! ባይ የሌለው ዜጋ ተገኝቷል … ኧረ! … ወገን ድምጻችንን እናሰማ … እናንተም ለመስማት እና ዜጋችሁን ለማስታወስ ያብቃችሁ።

Advertisements

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: